بە بڕیاری سەرۆکی حکوومەت رەسمی تۆمارکردن و خانووبەرە کەم کرایەوە

بەڕێوەبەری گشتی تۆماری خانووبەرەی هەرێم ئاشکرای دەکات، بە بڕیاری مەسرور بارزانی، سەرۆکی حکوومەتی هەرێمی کوردستان رەسمی تۆمارکردنی خانووبەرە و خاوەندارێتی لە ڕێژەی سەدا 3 بۆ سەدا 1 کەم کرایەوە.

پێنجشەممە 17ـی تشرینی یەکەمی 2024،د. لوقمان عومەر، بەڕێوەبەری گشتی تۆماری خانووبەرەی هەرێم بە ماڵپەڕی کوردستان24ـی ڕاگەیاند: بە ئامانجی کەمکردنەوەی بارگرانیی سەرشانی هاووڵاتییان و ئاسانکاریی بۆ ئەوەی بتوانن مامەڵەی بەناوکردنی موڵکەکانیان بکەن، مەسرور بارزانی، سەرۆکی حکوومەتی هەرێمی کوردستان ڕەزامەندی دا لەسەر کەمکردنەوەی ڕەسمی تۆمارکردنی خانووبەرە و خاوەندارێتیی لە ڕێژەی سەدا 3 بۆ سەدا 1 لە تۆمارکردنی خانووبەرە.