بە فەرمی براوەكانی باڵۆن دۆری 2024 دیاریكران

دوای 21 ساڵ بەبێ لیۆنێل مێسی و كریستیانۆ رۆناڵدۆ خەڵاتەكانی باڵۆن دۆر بۆ ساڵی 2024 دیاریكران، رۆدری ناوەراستكاری مانچێستەر سیتی بە پێكانەوە لە هۆڵی رێوڕەسمەكە خەڵاتی باڵۆن دۆری بۆ یەكەمجار پێبەخشرا و یانەی ریال مەدریدیش بایكۆتی رێوڕەسمەكەی كرد.
سەرەڕای ئەوەی پێشبینی دەكرا ڤینسیۆس هێرشبەری یانەی ریال مەدرید خەڵاتی باڵۆن دۆری 2024 وەربگرێت، بەڵام بەشێوەیەكی چاوەڕواننەكراو، خەڵاتەكە پێشكەشی رۆدری كرا كە نازناوی یۆرۆی 2024ـی لەگەڵ ئیسپانیا بەدەستهێنا جگە لەوەش نازناوی پرێمەرلیگیشی لەگەڵ مانچێستەر سیتی بردەوە.
 وەكو ناڕەزاییەك لە دژی بێبەشبوونی ڤینسیۆس لە بردنەوەی باڵۆن دۆر تەواوی نوێنەرانی ریال مەدرید بایكۆتی رێوڕەسمی خەڵاتەكانی باڵۆن دۆریان كرد، تەنانەت كاتێك كاڕلۆ ئانچیلۆتی وەكو باشترین راهێنەری ساڵ دیاریكرا هیچ نوێنەرێكی ریال مەدرید لەوێ ئامادە نەبوو بۆ ئەوەی خەڵاتەكە لە جیاتی ئانچیلۆتی وەربگرێت.

خەڵات و براوەكانی 2024
بە فەرمی رۆدری ناوەراستكاری مانچێستەر سیتی بۆ یەكەمجار باڵۆن دۆری بردەوە
ڤینسیۆس وەكو دووەم باشترین یاریزانی ساڵی 2024 دیاریكرا
بێلینگهام وەكو سێیەم باشترین یاریزانی ساڵی 2024 دەستنیشان كرا
ئێرلینگ هالاند وەكو چوارەم باشترین یاریزانی جیهان دیاریكرا
ریال مەدرید بووە باشترین یانەی ساڵی 2024
كارلۆ ئانچیلۆتی بە باشترین راهێنەری ساڵی 2024 دیاریكرا
هێرمۆسۆ خانمە یاریزانی ئیسپانیا خەڵاتی سۆكراتی بۆ كاری مرۆیی پێبەخشرا
بە فەرمی خانمانی بارسێلۆنا بە باشترین تیپی ساڵی 2024 دیاریكرا
لامین یامال بە باشترین یاریزانی لاوی 2024 دیاریكرا
هاری كەین و كلیان ئێمباپێ بە باشترین هێرشبەرانی ساڵی 2024 دیاریكران
ئیملیانۆ مارتینێز بە باشترین گۆڵپارێزی ساڵ دیاریكرا
ئایتانا بۆنماتی یاریزانی بارسێلۆنا بە باشترین خانمە یاریزانی 2024 دیاریكرا