پارێزگاری هەولێر پیرۆزبایی لە کوردستان24 دەکات

ئومێد خۆشناو، پارێزگاری هەولێر پیرۆزبایی 9 ساڵەی دامەزراندن لە کوردستان24 دەکات.

پێنجشەممە 31ـی تشرینی یەکەمی 2024، ئومێد خۆشناو، پارێزگاری هەولێر پیرۆزبایی 9 ساڵەی دامەزراندن لە کوردستان24 دەکات کە ئەمە دەقەکەیەتی:

بەناوی خودای بەخشندە و میهربان

بەڕێزان/ بەڕێوەبەر و نووسەر و ڕۆژنامەنووس و كارمەندانی كوردستان24

بەبۆنەی (9)ەمین ساڵیادی دامەزراندنی کەناڵەکەتان، پیرۆزباییەکی گەرم ئاڕاستەی ئێوەی بەڕێز و بینەرانتان دەكەین.

بە ئومێدی ئەوەی وەک هەمیشە بە پڕەنسیپ و ئیتیکی کاری ڕۆژنامەوانی بەردەوام بن و لە پێناو پرسە نەتەوەیی و نیشتیمانییەکاندا، بە هەمان گیانی نیشتیمانی و نەتەوەیی ڕۆڵی کارا و گرنگی خۆتان بگێڕن لە خزمەتکردن و بەرەو پێشبردنی میدیای کوردی.

دووبارە پیرۆزبێت لێتان و هەمیشە سەرکەوتووبن.

دامەزراوەی کوردستان24 لە ڕۆژی شەممە، 31-10-2015، بەشێوەیەکی بێلایەنانە و پیشەییانە، دەستی بە پەخشی ئاسایی خۆی کرد. هەروەها بەرهەمەکانی بە شێوەیەكی پرۆفیشناڵانە پێشكەشى بینه‌ر و بیسه‌ر و خوێنه‌رانی دەكات.

كوردستان24 له‌ دۆخێكدا دامه‌زرا، نیشتمان و نه‌ته‌وه‌یه‌ك كه‌وتبوونه‌ به‌ر هه‌ڕه‌شه‌ی نه‌مان و سڕینه‌وه‌، ئه‌و ساتانه‌ نیشتمانێك خوێنی لێ ده‌چۆڕا و نه‌ته‌وه‌یه‌ك له‌به‌رده‌م هه‌ڕه‌شه‌ی گه‌وره‌دا بوو، هێشتا به‌شێك له‌ ماڵه‌كانی ئه‌م نیشتمانه‌ پرسه‌یان بۆ شه‌هیده‌كانیان ده‌گێڕا و له‌ به‌غداشه‌وه‌ سیاسه‌تی برسیكردنی ئه‌م گه‌له‌ په‌یڕه‌و ده‌كراو هه‌موو ماف و ئیمتیازاتێكیان له‌ خه‌ڵكی كوردستان بڕیبوو.