کۆمارییەکان زۆرینەی ئەنجوومەنی نوێنەران و پیرانیان بە دەست هێنا

بە گوێرەی ئەنجامی بەرایی هەڵبژاردنی سەرۆکایەتیی ئەمەریکا، دۆناڵد ترەمپ، کاندیدی کۆمارییەکان تاوەکوو ئێستە لە پێش کامالا هاریس، کاندیدی دیموکراتەکانە و زۆرینەی کورسییەکانی کۆمەڵەی هەڵبژاردنی دەست هێناوە. هاوکات پارتی کۆمارییەکان، زۆرینەی ئەنجوومەنی نوێنەران و پیرانیان بە دەست هێناوە. 

ئەنجامی دەنگدانی بەرایی هەڵبژاردنی سەرۆکی ئەمەریکا:

- دۆناڵد ترەمپ، کاندیدی کۆمارییەکان: 248 کورسی بە دەستهێناوە (سەدا 51ـی کۆی دەنگەکان). 

- کامالا هاریس، کاندیدی دیموکراتەکان: 214 کورسی دەستهێناوە (سەدا 47ـی کۆی دەنگەکان). 

کۆمەڵەی هەڵبژاردنی سەرۆکایەتیی ئەمەریکا لە 528 کورسی پێک دێت، بۆ ئەوەی کاندیدێک ببێتە سەرۆک، پێویستە 270 کورسی (خاڵ) بە دەست بهێنێت.

ئەنجامی بەرایی ژمارەی کورسییەکانی ئەنجوومەنی پیران:

- پارتی کۆمارییەکان: 51 کورسی 

- پارتی دیموکراتەکان: 41 کورسی 

- ئەنجامی بەرایی ژمارەی کورسییەکانی ئەنجوومەنی نوێنەران:

پارتی کۆمارییەکان: 190 کورسی 

پارتی دیموکراتەکان: 159 کورسی