فۆکس نیوز: ترەمپ بووە 47ـەمین سەرۆکی ئەمەریکا
چوارشەممە، 06-11-2024، تۆڕی هەواڵی 'فۆکس نیوز'ـی ئەمەریکی ڕایگەیاند، دۆناڵد ترەمپ، کاندیدی کۆمارییەکان بووە 47ـەمین سەرۆکی ویلایەتە یەکگرتووەکانی ئەمەریکا و توانی 277 کورسیی کۆمەڵەی هەڵبژاردن بباتەوە.
بە گوێرەی هەمـان سەرچاوە، ترەمپ کەمێکی دیکە گوتاری سەرکەوتن لە بەردەم لایەنگرانی لە ویلایەتی فلۆریدا پێشکەش دەکات.
بەپێی ئەنجامی بەرایی هەڵبژاردن، پارتی کۆمارییەکان، زۆرینەی ئەنجوومەنی نوێنەران و پیرانیان بە دەست هێناوە.
ئەنجامی بەرایی ژمارەی کورسییەکانی ئەنجوومەنی پیران:
- پارتی کۆمارییەکان: 51 کورسی
- پارتی دیموکراتەکان: 41 کورسی
- ئەنجامی بەرایی ژمارەی کورسییەکانی ئەنجوومەنی نوێنەران:
پارتی کۆمارییەکان: 190 کورسی
پارتی دیموکراتەکان: 159 کورسی