سەرۆکی ئەنجوومەنی نوێنەرانی ئەمەریکا: ترەمپ بووە سەرۆکمان
چوارشەممە، 06-11-2024، مایک جۆونسۆن، سەرۆکی ئەنجوومەنی نوێنەرانی ئەمەریکا لە لێدوانێکی ڕۆژنامەوانیدا ڕایگەیاند، دۆناڵد ترەمپ، کاندیدی کۆمارییەکان بۆ هەڵبژاردنی سەرۆکایەتی، زۆرینەی دەنگەکانی بە دەستهێناوە و بووەتە 47ـەمین سەرۆکی ویلایەتە یەکگرتووەکانی ئەمەریکا.
هەر چەندە بە شێوەیەکی فەرمی ئەنجامی هەڵبژاردنی سەرۆکایەتیی ئەمەریکا ڕانەگەیەندراوە، بەڵام تۆڕی هەواڵی "فۆکس نیوز"ـیش هەمان هەواڵی پشڕاست کردووەتە و دەڵێت، ترەمپ زیاتر لە 277 کورسیی کۆمەڵەی هەڵبژاردنی سەرۆکایەتیی بە دەست هێناوە و بووەتە سەرۆکی نوێی وڵاتەکە.
هەروەها بەپێی ئەنجامی بەرایی هەڵبژاردن، پارتی کۆمارییەکان، زۆرینەی ئەنجوومەنی نوێنەران و پیرانیان بە دەست هێناوە.
ئەنجامی بەرایی ژمارەی کورسییەکانی ئەنجوومەنی پیران:
- پارتی کۆمارییەکان: 51 کورسی
- پارتی دیموکراتەکان: 41 کورسی
- ئەنجامی بەرایی ژمارەی کورسییەکانی ئەنجوومەنی نوێنەران:
پارتی کۆمارییەکان: 190 کورسی
پارتی دیموکراتەکان: 159 کورسی