پاڵاوگەیەک لەسەر ڕێگەی گوێڕ سووتا
پاڵاوگەیەک لەسەر ڕێگەی گوێڕ و هەولێر سووتا و تیمەکانی ئاگرکوژێنەوە توانیان ئاگرەکە کۆنتڕۆڵ بکەن.
شەممە 9ـی تشرینی دووەمی 2024، بەڕێوەبەرايەتی بەرگریی شارستانی پارێزگای هەولێر ڕایگەیاند: لەسەر ڕێگەی گوێڕ و نێو پاڵاوگەکانی قەڵاتە سۆران(پاڵاوگەی دووبرا)، ئاگرێک کەوتەوە و بووە هۆی سووتانی ئەمبارێکی بەنزین کە 10 هەزار لیتر بەنزین ئەمبار دەکات.
بەرگریی شارستانی پارێزگای هەولێر ئاشکرای کرد، پێنج تیمی ئاگر کوژێنەوە توانیان لەماوەی 20 خولەکدا ئاگرەکە کۆنتڕۆڵ بکەن و پێنج ئەمباری دیکە لە سووتان بپارێزن.
بەرگریی شارستانی پارێزگای هەولێر ڕایدەگەیەنێت: هیچ زیانێکی گیانیی لە ڕووداوەکە نەکەوتووەتەوە.