کوردستان24 زانیاریی لەبارەی سەردانەکەی سوودانی بۆ هەولێر ئاشکرا دەکات
چوارشەممە سوودانی دێتە هەرێمی کوردستان
چوارشەممەی داهاتوو سەرۆک وەزیرانی عێراق بۆ تاوتوێکردنی چەندان پرس سەردانی هەرێمی کوردستان دەکات.
ئەمڕۆ یەکشەممە، 10-11-2024، سەرچاوەیەک لە حکوومەتی هەرێمی کوردستان بە ماڵپەری کوردستان24ـی ڕاگەیاند، ڕۆژی چوارشەممە، 13-11-2024، محەممەد شیاع سوودانی، سەرۆک وەزیرانی عێراق سەردانی هەولێر و سلێمانی دەکات.
کوردستان24 زانیویەتی، سەرۆک وەزیرانی عێراق؛ مووچەی فەرمانبەران، پێکهێنانی حکوومەتی نوێی هەرێمی کوردستان، هەناردەکردنەوەی نەوت، سەرژمێریی گشتیی دانیشتووان، بارودۆخی ئێستەی ناوچەکە و چەندان پرسی دیکە لەگەڵ بەرپرسانی هەرێمی کوردستان تاوتوێ دەکات.
سوودانی لەوەتەی بووەتە سەرۆک وەزیرانی عێراق سێ جار سەردانی هەرێمی کوردستانی کردووە، دواهەمین جار، ڕۆژی 09-11-2023 بوو.