سبەی پاسپۆرتی سلێمانی مامەڵەی هاووڵاتییان ڕایی ناکات

بەهۆی کۆچی دوایی ئەفسەرێکی، بەڕێوەبەرایەتی پاسپۆرتی سلێمانی سبەینێ هیچ مامەڵەیەکی هاووڵاتییان ڕایی ناکەن.

دووشەممە 11ـی تشرینی دووەمی 2024، بەڕێوەبەرایەتی پاسپۆرتی سلێمانی ئاگەداری هاووڵاتیانی سنوری پارێزگای سلێمانی  و دەوروبەری کردووەتەوە کە سبەی 12ی تشرینی دووەمی 2024، دەوامی بەڕێوەبەرایەتییەکەیان ڕادەگرن و  مامەڵەی هاووڵاتیان ڕایی ناکەن بەهۆی  کۆچی دوایی ئەفسەری بەڕێوەبەرایەتییەکەیان رائد-هاوژین عەبدوڵلا .

بەڕێوەبەرایەتییەکە دەڵێت: بۆ بەرز ڕاگرتنی خزمەتەکانی و دڵسۆزی و لێبوردەیی لە کارەکەی، سبەی ئەفسەران و کارمەندانمان  بەشداری پرسەی کۆچکردوو دەکەین .

ئەمڕۆ دووشەممە، 11-11-2024، لەناو باڵەخانەی بەڕێوەبەرایەتیی پاسپۆرتی سلێمانی، ئەفسەرێك بە ناوی (هاوژین عەبدوڵلا) كۆتایی بە ژیانی خۆی هێنا.