سەرۆک وەزیرانی عێراق گەیشتە هەولێر

کاتژمێر 09:00ـی بەیانیی ئەمڕۆ چوارشەممە، 13-11-2024، محەممەد شیاع سوودانی، سەرۆک وەزیرانی عێراق گەیشتە فڕۆکەخانەی نێودەوڵەتیی هەولێر و لەلایەن مەسرور بارزانی، سەرۆکی حکوومەتی هەرێمی کوردستانەوە پێشوازیی لێ کرا. 

بە گوێرەی ڕاگەیەندراوێکی نووسینگەی سەرۆک وەزیرانی عێراق، سوودانی دوای هەولێر، سەردانی شاری سلێمانیش دەکات. 

چاوەڕێ دەکرێت لە کۆبوونەوەی نێوان هەردوو سەرۆک وەزیران مەسرور بارزانی و سوودانی؛ پێکهێنانی کابینەی نوێی حکوومەتی هەرێمی کوردستان، مووچە و بودجەی فەرمانبەران، سەرژمێریی گشتیی دانیشتووان، هەناردەکردنەوەی نەوت و چەندان پرسی دیکە گفتوگۆیان لەسەر بکرێت.