کەرکووک.. لە چیای حەمرین چوار ئەندامی داعش کوژران
شانەی ڕاگەیاندنی ئەمنی ڕایگەیاند: لە چیای حەمرینی شاری کەرکووک لەمیانەی ئۆپەرەسیۆنێکدا چوار ئەندامی ڕێکخراوی تیرۆرستی داعش کوژران.
ئەمڕۆ هەینی 29ـی تشرینی دووەمی 2024، شانەی ڕاگەیاندنی ئەمنی بڵاوی کردەوە، لە هێرشێکدا و بە بەکارهێنانی فڕۆکەی ئێف 16، لە چیای حەمرین لە شاری کەرکووک چوار ئەندامی تیرۆریستی داعش کوژران.
شانەی ڕاگەیاندنی ئەمنی ئاماژەی بەوە دا، فەرماندەیی ئۆپەراسیۆنە هاوبەشەکان، لەسەر بنەمای زانیاری دروست بەڕێوەبەرایەتی هەواڵگری سەربازی و بەدواداچوونی وردەوە ئەم ئۆپەراسیۆنەی ئەنجام داوە.
هاوکات جەختی لەوە کردەوە، بەردەوام دەبین لە بە ئامانجگرتنی مۆڵگەکانی داعش و شانە نوستووەکانیان.