ئەمڕۆ جامی كوردستان بە بەشداریی 30 یانە دەست پێ دەكات

سەرجەم یانەكانی خولی نایاب و پلەیەكی كوردستان ناچاركراون بەشداریی بكەن

خۆشیدەربڕینی هاوگا سەعدی كاپتنی یانەی سۆران دوای بردنەوەیان لە چەمچەماڵ. خولی پلەیەكی كوردستان 2024 ـ 2025
خۆشیدەربڕینی هاوگا سەعدی كاپتنی یانەی سۆران دوای بردنەوەیان لە چەمچەماڵ. خولی پلەیەكی كوردستان 2024 ـ 2025

جامی هەرێمی كوردستان بە بەشداریی 30 یانە دەست پێ دەكات و  سەرجەم یانەكانی خولی نایاب و پلەیەكی كوردستان ناچاركراون بەشداریی بكەن و یارییەكانیش لە دوو رۆژ دەكرێن.

 لە قۆناغی یەکەمی جامی كوردستان، بە ڕەچاوكردنی دۆخی دارایی یانەكان، فیدراسیۆنی تۆپی پێی كوردستان، یانەکانی بەشێوازی ناوچەی جوگرافی دابەش كردوون و بە شێوازی دەرچوون بە یەک دۆڕان یاری دەكەن، 15 یانە دەگەنە قۆناغی دووەم و جارێکی تر تیروپشکیان بۆ ئەنجام دەدرێت.

مێژووی جامی کوردستان

ئەگەرچی خولی نایابی کوردستان لە ساڵی 2006ـەوە تاوەکو ئێستا بەردەوامە، بەڵام هەموو وەرزەکان جامی هەرێمی کوردستان و جامی سوپەری کوردستان بەڕێوەنەچووە، تا ئێستا تەنیا شەشجار جامی هەرێمی کوردستان بەڕێوەچووە و چوار جاریش جامی سوپەر ئەنجامدراوە،  پاڵەوانەکانی جامی کوردستان و سووپەری كوردستان بەمشێوەیەن:

پاڵەوانەكانی جامی كوردستان

ـ وەرزی 2006 ـ 2007 یانەی ئارارات

ـ وەرزی 2010 ـ 2011 یانەی زاخۆ

ـ وەرزی 2012 ـ 2013 پێشمەرگەی سلێمانی

ـ وەرزی 2013 ـ 2014 زێرەڤانی

ـ وەرزی 2021 ـ 2022 برایەتی

ـ وەرزی 2022 ـ 2023 پێشمەرگەی هەولێر

ـ وەرزی 2023 ـ 2024 هەندرێن

پاڵەوانانی جامی سووپەری كوردستان

2021 یانەی برایەتی

2022 یانەی شێروانە

2023 پێشمەرگەی هەولێر

2024 سیروانی نوێ