تووشبوویەکی دیكەی کۆرۆنا لە رانیە گیانی لەدەستدا
تائێستا 16 كەس بەھۆی كۆرۆناوە لە دەڤەری راپەڕین گیانیان لەدەستداوە
K24 – رانیە
كەسێكی دیكەی ھەڵگری ڤایرۆسی كۆرۆنا لە دەڤەری راپەڕین گیانی لەدەستدا، ئەو كەسە كارمەندی ھاتووچۆ بوو.
سەرچاوەیەكی ئاگادار بە كوردستان24ی راگەیاند: "ئەو تووشبووەی گیانی لەدەستداوە ناوی بەختیار مەلا عەبدوڵڵا، کارمەندی پۆلیسی هاتووچۆ بوو لە بەڕێوبەرایەتی هاتووچۆی راپەڕین و ماوەی 10 رۆژ زیاترە رەوشی تەندروستی ناجێگیر بوو".
سەرچاوەكە گوتیشی: "ژمارەی گیان لەدەستدان بەھۆی كۆرۆنا لە دەڤەری راپەڕین گەیشتە 16 کەس، هەشتیان ژن و هەشتی دیكەشیا پیاو".
