بە فەرمی ریاڵ مەدرید گواستنەوەی دین هاوسنی بەرگریکاری بۆرنمۆسی بڵاوکردەوە
یانەی ریاڵ مەدریدی ئیسپانی بە فەرمی گرێبەستی بەرگریکاری لاو دین هاوسن-ی لە یانەی بۆرنمۆسی ئینگلیزییەوە بڵاوکردەوە.
ماڵپەری فەرمی یانەکە لە راگەیاندراوێکی فەرمی نووسیویەتی: یانەی ریاڵ مەدرید لەگەڵ یانەی بۆرنمۆس لەسەر گواستنەوەی دین هاوسن گەیشتووەتە رێککەوتن و گرێبەستەکەی بۆ ماوەی "5" ساڵ دەبێت، لە 1ی حوزەیرانی 2025 دەستپێدەکات و لە 30ی حوزەیرانی 2030 کۆتایی دێت.
لە راگەیاندراوەکە هاتووە: دین هاوسن-ی تەمەن 20 ساڵ، یاریزانی هەڵبژاردەی ئیسپانیایە، لە خولی ئیتاڵی یاریی بۆ یانەکانی یوڤێنتووس و رۆما کردووە، لە پرێمەرلیگ یاریزانی سەرەکی بۆرنمۆس بووە و ئەزموونی زۆر هەیە.
ریاڵ مەدرید ئاماژەی بەوە کردووە: دین هاوسن پاڵێوراوە بۆ بوون بە پاشترین یاریزانی پرێمەرلیگ لە وەرزی 2024-2025.
بەپێی هەواڵی میدیا جیهانییەکان، هاوسن بە بڕی 50 ملیۆن یۆرۆ گرێبەستی لەگەڵ ریاڵ مەدرید واژۆکردووە.
گرێبەستەکەی دین لە کاتێکدایە، ریال مەدرید لەم وەرزە بەهۆی پێکانی زۆری بەرگریکارەکانی دەیناڵاند و شوێنگرەوەیان نەبوو.
مارکای ئیسپانی بڵاویکردووەتەوە: بەرگریکارە نوێیەیەکەی مێرێنگی، سێرجۆ رامۆس بە پێشەنگی خۆی دەزانێت و دەیەوێت لە ریاڵ مەدرید درێسی ژمارە "4" بپۆشێت، بەڵام بەهۆی ئالابا زەحمەتە ئارەزووەکەی جێبەجێ ببێت.
دین هاوسن تەمەنی 20 ساڵە، پێشتر یاریی بۆ یانەکانی رۆما و یوڤێنتووس کردووە، ساڵی 2024 بە بڕی 10 ملیۆن یۆرۆ چووەتە بۆرنمۆس، ئەمڕۆ ریاڵ مەدرید بە فەرمی بڵاویکردووەتەوە، کە یاریزانەکەیان گواستووەتەوە، بەهای یاریزانەکە لە بازاڕی گواستنەوەی یاریزانان 42 ملیۆن یۆرۆیە.
