بە فەرمی وادەی راكێشانی تیروپشكی جامی كەنداو دیاریكرا

بە فەرمی فیدراسیۆنی تۆپی پێی جامی كەنداوی عەرەبی وادەی راكێشانی تیروپشكی خولی یانە پاڵەوانەكانی كەنداوی دەستنیشان كرد و رایگەیاند خولەكە لە رۆژی 16ـی مانگی داهاتوو دەست پێ دەكات.
ئەمڕۆ چوارشەممە، 20 تەمووزی 2025، فیدراسیۆنی تۆپی پێی یانەكانی كەنداوی عەرەبی رایگەیاند رۆژی 11ـی مانگی داهاتوو بە ئامادەبوونی نوێنەری 8 یانە بەشداربووەكە، تیروپشكی خولی یانە پاڵەوانەكانی كەنداو رادەكێشرێت.
فیدراسیۆنەكە ئاماژەی بۆ ئەوەش كردووە خولەكە لە رۆژی 16ـی ئەیلوولی 2025 دەست پێ دەكات و رۆژی 14ـی نیسانی 2026 كۆتایی دێت.
یانەی زاخۆ دوای ئەوەی پلەی سێیەمی خولی ئەستێرەكانی عێراقی بەدەستهێنا، وەكو نوێنەری عێراق بەشداریی لە خولی یانە پاڵەوانەكانی كەنداو دەكات و كە تێیدا یانەكانی رەیانی قەتەری، عەینی ئیماراتی، قادسیەی كوێتی، نەهزەی عومانی، سترەی بەحرێنی، تەزامنی یەمەنی لە خولەكە بەشدارن.
یانەی دهۆك وەرزی رابردوو بووە یەكەمین یانە لە مێژووی عێراق نازناوەكەی بەدەستهێنا و لە یاریی كۆتایی دا هەڵۆیەكانی بادینان لە یاریی چوون و گەڕانەوە شكستیان بە یانەی قادسیەی كوێتی هێنا.