له عێراق ژمارهی مردن به كۆرۆنا 9 ههزار حاڵهتی تێپهڕاند
ئامارهكان روو له ههڵكشانه
.gif)
K24- ههولێر:
وهزارهتی تهندروستی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای لهسهرانسهری وڵات بهپارێزگاكانی ههرێمی كوردستانیشهوه راگهیاند.
بهگوێرهی راگهیهندراوهكهی وهزارهتی تهندروستی عێراق، لهماوهی 24 كاتژمێری رابردوودا پشكنین بۆ 22 ههزار 54 كهس ئهنجامدراوه و تووشبوونی 4 ههزار و 116 كهسی دیكه به پهتاكه پشتڕاست كرایهوه.
وهك لهراگهیهندراوهكهدا هاتووه، لهماوهی شهو و رۆژێكدا 62 كهسیش بههۆی پهتاكه گیانیان لهدهستداوه.
هاوكات 4 ههزار و 111 حاڵهتی چاكبوونهوهش لهپهتاكه راگهیهندراوه.
تا ئێستا كۆی ئهوانهی لهسهرانسهری عێراق تووشی پهتاكه بوونه، ژمارهیان گهیشته 353 ههزار و 566 حاڵهت، لهو ژمارهیهش 9 ههزار و 52 كهس بههۆی ڤایرۆسهكهوه گیانیان لهدهستداوه و 284 ههزار و 784 كهسیش بهتهواوی چاك بوونهتهوه و 59 ههزار و 730 كهسیش له نهخۆشخانهكان لهژێر چاودێری پزیشكیدان، لهو ژمارهیهش 532 كهس بههۆی ناجێگیری دۆخی تهندروستییان لهژێر چاودێری چڕی پزیشكیدان.