نێچیرڤان بارزانی به جیا پێشوازی له شاندێكی رهوتی حیكمه و سهرۆكی ئهنجومهنی باڵای دادوهری عێراق دهكات
ههڵبژاردنی پێشوهخته، رهوشی ئێستای عێراق، گفتوگۆ و چارهسهری كێشهكانیان تاووتوێ كرد
K24 - ههولێر:
نێچیرڤان بارزانی، سهرۆكی ههرێمی كوردستان، ئهمڕۆ سێشهممه، 29/9/2020، به جیا پێشوازی له سهرۆكی ئهنجومهنی باڵای دادوهری عێراق و شاندێكی باڵای رهوتی حیكمهی كرد.
نێچیرڤان بارزانی، له دیدارهكهیدا لهگهڵ فائق زێدان، سهرۆكی ئهنجومهنی باڵای دادوهری عێراق، جهختیان له پاراستنى سهربهخۆييى دهسهڵاتى دادوهرى و تێكهڵنهكردنى لهگهڵ سياسهت كردهوه و هاوڕا بوون كه هاوكارى و ههماههنگيى نێوان دهسهڵاتى دادوهرى له عێراق و ههرێمى كوردستان به ڕهچاوكردنى تايبهتمهنديى ههرێمى كوردستان پێويسته، هاوكات ستايشى هاوكارى و ههماههنگيى نێوان ئهنجومهنى باڵاى دادوهريى عێراق و ئهنجومهنى دادوهريى ههرێمى كوردستانيان كرد.
له بهشێكى ديكهى كۆبوونهوهكهدا كه بهڕێزان سهرۆكى ئهنجومهنى دادوهريى ههرێمى كوردستان و وهزيرى داد ئامادهى بوون، بابهتى پێكهاته و كار و ئهركى دادگاى فيدراڵى و ميكانيزمى تهواوكردنى ئهندامانى و چۆنيهتيى دهستنيشانكردنيان بهپێى ڕێكاره دهستوورييهكان خرانه بهر باس و جهختيان له گرنگى و پێويستيى ههماههنگيى نێوان لايهنه پهيوهندارهكان بۆ ئهم مهبهسته كردهوه.
سهرۆكی ههرێمی كوردستان، له كۆبوونهوهی لهگهڵ شاندی باڵای رهوتی حیكمهش، كه شێخ حهمید معهله ئهلساعدی، سهرۆكایهتی شاندهكهی دهكرد، دوایین پێشهاتە سیاسى و ئەمنییەکان و هەڵبژادنە پێشوەختەکانى عێراق و بابەتى دادگاى فیدراڵى و میکانیزمى دەستنیشانکردنى ئەندامانى تازەى دادگاکە، پەیوەندى و کێشەکانى هەولێر ـ بەغدا و گفتوگۆى چارەسەرکردنیان تاوتوێ کرد.
هەردوولا هاوڕابوون کە پێشهاتە ئەمنییەکانى عێراق و هەڕەشەکردن لە نێردە دیپلۆماسییەکان، بەرژوەندیى وڵات دەخەنە مەترسیى جددییەوە و تێپەڕاندنى کێشە و قەیرانەکان پێویستى بە کارى هاوبەش و هەماهەنگیى نێوان لایەنە عێراقییەکان و ڕەچاوکردنى بەرژوەندییەکانى وڵات هەیە.
نێچیرڤان بارزانى جەختى لە ئامادەیى و خواستى هەرێمى کوردستان بۆ چارەسەرکردنى تەواوى کێشەکانى لەگەڵ حکوومەتى فیدراڵ لەسەر بنەماى دەستوور کردەوە و چارەسەرکردنى کێشەکانى هەردوولا و تەواوى کێشە ناوخۆییەکانى عێراقى بە کلیلى سەقامگیریى وڵات لە قەڵەم دا.
