حکومەتی هەرێم و بەغدا لەبارەی پرسی شنگال رێککەوتن

K24- هەولێر:

ئەحمەد مەلا تەڵاڵ، وتەبێژی مستەفا کازمی سەرۆک وەزیرانی عێراق لە تویتێکدا رێککەوتنی نێوان حکومەتی هەرێم و حکومەتی فیدراڵی لەسەر پرسی شنگال راگەیاند.

ئەحمەد مەلا تەڵاڵ ئاشکرایکردووە، رێککەوتنێکی مێژووی لە بارەی شنگال لە نێوان حکومەتی هەرێم و بەغدا ئەنجام دراوە.

ئاماژەی بەوەشداوە، رێککەوتنەکە کۆتایی بە دەسەڵاتی گروپە نەویستراوەکان لە ناوچەکە دەهێنێت و رێگاخۆشکەر دەبێت بۆ دووبارە بونیادنانەوەی شنگال و گەڕانەوەی خەڵکەکەی.

لەوبارەوە، رێبەر ئەحمەد، وەزیری ناوخۆی حکومەتی هەرێمی کوردستان لە دوای کۆبوونەوەکە رایگەیاند، بە ئامادەبوونی نەتەوە یەکگرتووەکان و نوێنەرانی هەرێم و بەغدا، رێککەوتنێکی باش کراوە بۆ ئاسایی کردنەوەی دۆخی ئەمنی، سەربازی و ئیداریی شنگال.

ئاماژەی بەوەشکرد، هەردوولا ئامانجمان ئەوەیە رەوشەکە ئاسایی بکرێتەوە و ئاوارەکان بگەڕێنەوە شوێنی خۆیان.

السيد رئيس مجلس الوزراء مصطفى الكاظمي@MAKadhimi رعى اليوم إتفاقًا تأريخيًا يعزز سلطة الحكومة الاتحادية في سنجار وفق الدستور، على المستويين الإداري والأمني، وينهي سطوة الجماعات الدخيلة، ويمهد لإعادة إعمار المدينة وعودة أهاليها المنكوبين بالكامل، وبالتنسيق مع حكومة أقليم كردستان.

— احمد ملا طلال (@AhmadMullaTalal) October 9, 2020