سەرۆک بارزانی و مستەفا کازمی پەیوەندییەکی تەلەفۆنیان ئەنجامدا

K24- هەولێر:

لە پەیوەندییەکی تەلەفۆنییدا، سەرۆک مەسعود بارزانی و مستەفا کازمی ئاسایکردنەوەی رەوشی شنگالیان تاوتوێ کرد و هەردوولا خۆشحاڵیان بۆ ئەنجامدانی رێککەوتنەکە دەربڕی.

ناوەڕۆكی پەیوەندیی تەلەفۆنیی سەرۆك بارزانی و سەرۆك وەزیرانی عێراق:

ئێوارەی ڕۆژی هەینی 9ـی تشرینی یەكەمی 2020 لە پەیوەندییەكی تەلەفۆنیی نێوان سەرۆك مەسعود بارزانی و بەڕێز مستەفا كازمی سەرۆك وەزیرانی عێراقدا ڕێككەوتنی نێوان حكوومەتی عێراقی فیدڕاڵ و حكوومەتی هەرێمی كوردستان لەمەڕ ئاساییكردنەوەی بارودۆخی شنگال تاوتوێ كرا.

هەر لەو پەیوەندییە تەلەفۆنییەدا هەردوولا خۆشحاڵیی خۆیان بۆ ئەو ڕێككەوتنە گرنگە دەربڕی و جەختیشیان لەوە كردەوە كە ڕێككەوتنی لەمشێوەیە ئاماژەیە بۆ بەهێزبوونی متمانەی نێوان حكوومەتی فیدڕاڵی عێراق و حكوومەتی هەرێمی كوردستان.