نرخی نەوت زیاتر بەرزبووەوە

K24-  هەولێر:

بەهۆی کەمکردنەوەی بەرهەم لە لایەن رێکخراوی ئۆپێک، نرخی نەوت بەرزبووەوە.

رۆیتەرز بڵاویکردەوە، سەرەڕای مەترسییەکانی کۆرۆنا و بەهۆی کەمکردنەوەی بەرهەم لە لایەن ئۆپێک، نرخی نەوتی خاو بۆ 43 دۆلار و 32 سەنت بەرزبووەوە.

هەروەها، نرخی یەک بەرمیل نەوتی تێکساس، بۆ 41 دۆلار و 9 سەنت بەرزبووەوە.

بەهۆی کۆرۆنا و کەمبوونەوەی خواست، نرخی نەوت دابەزی ئەمەش زیانی بەو وڵاتەنە گەیاند کە پشتیان بە بەرهەمی نەوت بەستووە.