تەواو؛ مۆرینیۆ دەگەڕێتەوە ستامفۆرد بریدج

خۆزێ مۆرینیۆ دوای 25 ساڵ دەگەڕێتەوە بێنفیکا و ئەرکی راهێنەرایەتی ئەو یانە پۆرتوگاڵییە دەگرێتە ئەستۆ و وەکو راهێنەری ئەو یانەیەش سەردانی ستامفۆرد بریدج دەکات.

بێن جاکۆبس رۆژنامەنووسی بەریتانی ئاشکرایکردووە، خۆزێ مۆرینیۆ لەگەڵ بێنفیکا گەیشتە رێککەوتن و دوای 25 ساڵ جارێکی دیکە دەگەڕێتەوە ئەو یانە پۆرتوگاڵییە کە ساڵی 2000 لەو یانەیە بۆیەکەمجار دەستی بە کاری راهێنەرایەتی کرد، سپێشەڵ وەن دوای دوورخرانەوەی لە راهێنەرایەتی فەنەرباهچێی تورکی دەگەڕێتەوە پۆرتوگاڵ، کە بێنفیکا دوای دۆڕانەکەی لە چامپیۆنزلیگ بەرامبەر قەرەباخ بڕیاری دوورخستنەوەی برونۆ لاگی راهێنەری دا.

🚨 Jose Mourinho has agreed to become Benfica's new manager almost 25 years to the day after starting his managerial career with the club.

Bruno Lage was sacked after Benfica’s shock 3-2 Champions League defeat at home to Qarabag.

Mourinho will also return to Stamford Bridge on… pic.twitter.com/rCivMW0t09

— Ben Jacobs (@JacobsBen) September 17, 2025

مۆرینیۆ وەکو راهێنەری بێنفیکا دەگەڕێتەوە ستامفۆرد بریدج کە پێشتر راهێنەرایەتی چێڵسی ئینگلیزیشی کردووە، راهێنەرە 62 ساڵانەکە رووبەڕووی ریال مەدریدیش دەبێتەوە، کە لە قۆناخی خول یانە پۆرتوگاڵییەکە رووبەڕووی یانە ئیسپانییەکە دەبێتەوە، کە بێنفیکا رووبەڕووی ناپۆلی و یوڤێنتوسی ئیتاڵی و ئەیاکسی هۆڵەندی و بایەر لیڤەرکوزنی ئەڵمانی و نیوکاسڵ یونایتدی ئینگلیزی دەبێتەوە.مۆرینیۆ ساڵی 2000 وەکو راهێنەری بێنفیکا لە 10 یاری راهێنەرایەتی یانەکەی کرد و 5 بردنەوە و 2 دۆڕان و 3 یەکسانبوونی لەگەڵ یانەکە بەدەستهێناوە.