پاریس خراپی لێقەوماوە؛ حەفت ئەستێرەی پێش یاریی بارسێلۆنا تووشی پێکان بوون

چوار رۆژ پێش یارییەکەیان بەرامبەر بارسێلۆنا، حەفت یاریزانی پاریس سانجێرمان تووشی پێکان بوون و بەشداریکردنیان لە یاریی چوارشەممە مسۆگەر نییە.

رادیۆی مۆنتی کارلۆی فەڕەنسی ئاشکرایکردووە، جگە لەوەی پێنج یاریزانی پاریس سانجێرمان پێکانیان هەیە، لە یاریی شەوی رابردوو بەرامبەر ئوکسێر لە لیگ1 هەریەکە لە ڤیتینیا و خڤیچا کڤاراتسخێلیا تووشی پێکان بوون و نەیانتوانی یارییەکە تەواو بکەن. رادیۆی مۆنتی کارلۆ راشیگەیاندووە، ئەمڕۆ پشکنینی زیاتر بۆ ئەو دوو یاریزانە دەکرێت بۆ ئەوەی ئامادەبوونیان بۆ یاریی داهاتووی یانەکەیان بەرامبەر بارسێلۆنا یەکلایی بێتەوە.

❌ Après les sorties sur blessure de Kvaratskhelia et Vitinha lors de PSG-Auxerre, Luis Enrique attend des nouvelles du staff médical avant de se prononcer sur l'état de santé de ses deux joueurs. Inquiétant à J-4 du déplacement à Barcelone en C1... https://t.co/2izjaNmGZA pic.twitter.com/rYScj1rEBx

— RMC Sport (@RMCsport) September 28, 2025

جگە لەم دوو یاریزانە پێشتر پاریس سانجێرمان پێکانی هەریەکە لە عوسمان دێمبێلێ، دێزێرێ دۆوێ، جواو نێڤێس، فابیان رویز و ماکرینیۆسی راگەیاندبوو، ئەم پێنج ئەستێرەیەش بەهۆی پێکانەوە لە شازادەکانی پاریس دابڕاون و بە رێژەیەکی زۆر بۆ یارییەکەی بارسێلۆنا بەردەست نابن.شەوی چوارشەممە کاتژمێر 10:00 بارسێلۆنا لە ئیسپانیا لە قۆناخی خول لە چامپیۆنزلیگ میوانداریی پاریس سانجێرمان دەکات.