تەقینەوەیەک لەسەر سنووری لوبنان و سووریا ڕوویدا
ئەمڕۆ چوارشەممە، 1ـی ئۆکتۆبەری2025، تەقینەوەیەکی بەهێز لە ناوچەی جووسیە لەسەر سنووری نێوان لوبنان و سووریا ڕوویدا.
سەرچاوە خۆجێییەکان ئاماژەیان بەوە کردووە، ڕووداوەکە لە نزیک دەروازەی جووسیە لەسەر سنووری لوبنان و سووریا ڕوویداوە ئەویش بەهۆی تەقینەوەی مووشەکێک بووە کە پێشتر لە شەڕدا جێماوە و نەتەقیوەتەوە.
سەرچاوە خۆجێیەکان باس لەوە دەکەن، لە ئەنجامی تەقینەوەکەدا سەربازێکی سووریا کوژراوە.
میدیاکانی لوبنانیش ئاماژەیانداوە بە مووشەکێک کە لە شەڕدا جێماوە و نەتەقیوەتەوە لە جووسیە لە دیوی سووریا لە سنوورەکان تەقیوەتەوە.
انفجار صاروخ من مخلفات الحرب السابقة قرب مدرسة #جوسيه على الحدود اللبنانية السورية من الجهة السورية بين مدرسة جوسيه وكنيسة البلدة#لبنان #سوريا pic.twitter.com/USoCQUhsiD
— LebanonOn (@LebanonOnNews) October 1, 2025
