بە ئامادەبوونی سەرۆک بارزانی کۆنفرانسی جینۆساید بەڕێوەدەچێت

بە ئامادەبوونی سەرۆک بارزانی، ئەمڕۆ سێشەممە، 28ـی تشرینی یەکەمی 2025، پێنجەمین کۆنفرانسی زانستی نێودەوڵەتیی هاوبەشی وەزارەتی خوێندنی باڵا و توێژینەوەی زانستی و وەزارەتی تەندروستی لە دهۆک بەڕێوەدەچێت.

ئامانجی کۆنفرانسەکە دۆکیۆمێنتکردنی زانستی تاوانەکانی ئەنفال و گۆڕە بەکۆمەڵەکانە، بۆ بەرەو ناساندنی نێودەوڵەتیی جینۆسایدی گەلی کورد؛ هەروەها کۆنفراسەکە دوو ڕۆژ  بەردەوام دەبێت.

کۆنفرانسەکە ئەم تەوەرانە لە خۆدەگرێت: 

• ئەنترۆپۆلۆژیای پزیشکیی دادوەری.
• دانپێدانان بە دۆسیەی جینۆسایدی ئێزدییەکان.
• لێکۆڵینەوە لەسەر گۆڕە بەکۆمەڵەکان.
• ڕۆڵی DNA و ناسینەوەی بۆماوەیی قوربانیان.
• ڕەهەندە یاساییەکانی تاوانی جینۆساید.
• کاریگەرییەکانی چەکی کیمیایی لەسەر گەلی کورد.
• میتۆدەکانی بەدۆکیۆمێنتکردنی جینۆساید.
• لێکەوتە دەروونی و کۆمەڵایەتییەکانی جینۆساید و ترۆمای دوای ئەنفال.