سەرۆک بارزانی و ئەیاد عەلاوی قۆناغی دوای هەڵبژاردنی عێراقیان تاوتوێ کرد
رۆژی دووشەممە 24ی تشرینی دووەمی 2025، لە پیرمام سەرۆک مەسعود بارزانی پێشوازی لە دکتۆر ئەیاد عەلاوی، سەرۆکی بزووتنەوەی ویفاقی نیشتیمانی عێراقی و شاندێکی یاوەری کرد.
بە گوێرەی ڕاگەیەنراوی بارەگای بارزانی، لەو دیدارەدا رۆشنایی خرایە سەر پڕۆسەی سیاسیی عێراق و گۆڕانکاری و پێشهاتەکانی ناوچەکە بە گشتیی، هەروەها ئەنجامی هەڵبژاردنی ئەنجوومەنی نوێنەرانی عێراق و قۆناغی دوای هەڵبژاردن و گفتوگۆی لایەنە سیاسییەکان بۆ پێکهێنانی کابینەیەکی نوێی حکومەتی فیدراڵ تاوتوێ کران.
