مستەفا نێروەیی كۆچی دوایی كرد

K24 – دھۆك

مستەفا ساڵح ئاغا نێروەیی، پێشمەرگەی دێرین و تێكۆشەری دیاری كوردستان كۆچی دوایی كرد.

مەستەفا نێروەیی، بەرپرسی دەزگای ئەیلوول و گوڵان و تێکۆشەری دیاری كوردستان، کاتژمێر 2:00 بەرەبەیانی ئەمڕۆ 9/12/2020، لە یەكێك لە نەخۆشخانەكانی هەولێر بەهۆی نەخۆشیەکی درێژخایەنەوە كۆچی دوایی كرد.

مستەفا نێروەیی لە ساڵی 1933 دایکبووە، هەڤاڵ و هاوسەنگەرێکی نزیکی بارزانی نەمر بوو، فەرماندە و كەسایەتییەكی دیاری پارێزگای دھۆك و كوردستان بوو.

مستەفا نێروەیی، یادەوەرییەکانی خۆی لەنێو شۆڕشدا وەکو پێشمەرگە و فەرماندە، لە پەرتووکێکدا بە ناوی (بۆ ئازادی یا وەلاتی) بڵاوکردووتەوە.

بڕیارە ئەمڕۆ تەرمی مستەفا نێروەیی، لە رێوڕەسمێكدا لە گۆڕستانی شاخکی بە خاکبسپێردرێت.