سەرۆک وەزیران مەسرور بارزانی بەشداریی کۆڕبەندی ئابووریی "داڤۆس" دەکات
سەرۆک وەزیران مەسرور بارزانی بەشداریی کۆڕبەندی ئابووریی "داڤۆس" دەکات
مەسرور بارزانی، سەرۆکی حکوومەتی هەرێمی کوردستان بەشداری لە 56ـەمین کۆڕبەندی ئابووریی جیهانیی (داڤۆس) دەکات کە لە سویسرا بەڕێوە دەچێت و دەیان سەرۆک و سەرکردەی وڵاتان لە کۆڕبەندە بەشدار دەبن.
56ـەمین کۆڕبەندی ئابووریی جیهانی (داڤۆس) لە 19 تا 23ی کانوونی دووەمی 2026 لە ژێر ناونیشانی "روحی دیالۆگ" بە بەشداری گرنگترین سەرکردەکان و بازرگان و کۆمەڵگەی مەدەنی بەڕێوەدەچیت.
مەسرور بارزانی سەرۆکی حکوومەتی هەرێمی کوردستان، پێنجەم ساڵی لەسەر یەکە بەشداری کۆڕبەندی ئابووریی جیهانی (داڤۆس) دەکات.
لە کۆڕبەندی ساڵی ڕابردوودا بۆ دیدار و پێشوازی لە سەرکردە و بەرپرسانی وڵاتان، لە داڤۆس ماڵی کوردستان کرایەوە و لە ماوەی بەڕێوەچوونی کۆڕبەندەکەدا، مەسرور بارزانی لەگەڵ ژمارەیەکی زۆر لە سەرکردەی وڵاتان، بەرپرسانی باڵا، خاوەنکار و ئابووریناسانی جیهان کۆبووەتەوە بەمەبەستی پتەوکردنی پەیوەندییەکانی هەرێمی کوردستان و تاوتوێکردنی پرسە گرنگەکانی پەیوەست بە عێراق و ناوچەکە.
بەشداریی سەرۆک وەزیران لە کۆڕبەندی داڤۆس لە ساڵانی ڕابردوو بەم شێوەیە بووە:
2025 بەشداری لە 55هەمین کۆڕبەندی ئابووریی جیهانی کردووە، کە لە 20 تا 24ی کانوونی دووەم بەڕێوەچوو.
2024 بەشداری لە 54هەمین کۆڕبەندی ئابووریی جیهانی کردووە کە لە 15 تا 19ی کانوونی دووەم بەڕێوەچوو.
2023 بەشداری لە کۆڕبەندی ئابووریی جیهانی کردووە کە لە 16 تا 20ی کانوونی دووەم بەڕێوەچوو.
2022 لە مانگی ئایاری ساڵی 2022 بەشداری لە کۆڕبەندی ئابووریی جیهانی داڤۆس کردووە.