وەزارەتی دارایی هەرێم داهاتی نانەوتی خستە سەر هەژماری بانکی وەزارەتی دارایی عێراق
وەزارەتی دارایی حکوومەتی هەرێمی کوردستان رایگەیاند، داهاتی نانەوتیان بۆ مانگی کانوونی دووەم (1)ـی ئەمساڵ خستە سەر هەژماری بانکی وەزارەتی دارایی عێراق.
لە راگەیەندراوەکەی وەزارەتی دارایی هاتووە، ئەمڕۆ پێنجشەممە، 5ـی شوباتی 2026، 120 ملیار دینار وەک داهاتی نانەوتی هەرێم بۆ مانگی کانوونی دووەم بەشێوەی کاش خرایە سەر هەژماری بانکی وەزارەتی دارایی حکوومەتی فیدراڵ لە لقی هەولێری بانکی ناوەندی عێراق.