سعوودییە: سبەی تەواوکەری مانگی رەمەزانە

هەر یەکە لە سعوودیە، قەتەر، ئیمارات و بەحرەین رۆژی هەیانییان وەک یەکەم رۆژی جەنگی مانگی رەمەزان دیاریی کرد

دادگای باڵای سعوودیە بە فەرمی ڕایگەیاند، کە ئێوارەی ئەمڕۆ چوارشەممە بینینی مانگی شەووال پشتڕاست نەکراوەتەوە، بۆیە سبەی پێنجشەممە 19ـی ئاداری 2026، دەبێتە 30ـی مانگی ڕەمەزان و تەواوکەری مانگەکە.

بەپێی ڕاگەیەندراوە فەرمییەکەی دادگا، رۆژی هەینی، 20ـی ئاداری 2026، یەکەم ڕۆژی مانگی شەووال و یەکەم رۆژی جەژنی رەمەزانی پیرۆز دەبێت.

هەروەها دەوڵەتی ئیمارات و قەتەر و بەحرەینیش بە فەرمی رایانگەیاند کە ڕۆژی پێنجشەممە تەواوکەری مانگی رەمەزانە و رۆژی هەینی، یەکەم رۆژی جەژنی رەمەزانی پیرۆزە.

ئەم بڕیارە دوای ئەوە هات کە لیژنەکانی بینینی مانگ لەو وڵاتانە نەیانتوانی ئێوارەی چوارشەممە مانگی شەووال ببینن، بۆیە بەپێی یاسا شەرعییەکان مانگی رەمەزان دەبێتە 30 رۆژ و هەینی دەبێتە یەکەم رۆژی جەژن.