دیاربەکر.. لە ئاهەنگی نەورۆز پەیامی ئۆجەلان دەخوێندرێتەوە
بە ئامادەبوونی ژمارەیەکی زۆری هاووڵاتییان و نوێنەری پارتە سیاسیەکان سبەی ئاهەنگی نەورۆز لە دیاربەکر بەڕێوەدەچێت.
سبەی شەممە، 21ـی ئاداری 2026، لە شاری دیاربەکری باکووری کوردستان، ئاگری نەورۆز هەڵدەکرێت و ئاهەنگێکی جەماوەری گەورە بەڕێوەدەچێت.
لە گەڕەکی نەورۆز لە شاری دیاربەکر بە بەشداری هەزاران هاووڵاتیی و نوێنەری پارتە سیاسییەکان و رێکخراوەکانی مەدەنی، ئاهەنگی نەورۆز بەڕێوەدەچێت.
لە ئاهنگەکە دا پەیامی عەبدوڵڵا ئۆجەلان و پەیامی نێچیرڤان بارزانی دەخوێنرێتەوە.
هەروەها لەیلا زانا و ژمارەیەک سیاستمەداری دیکە گوتاریان دەبێت.
هاوکات بۆ پاراستنی ئاسایشی شوێنەکە 12 هەزار پۆلیس لە ئەرکدا دەبن و بە گوێرەی زانیارییەکان پێنج تۆن دار بۆ ئاگری نەورۆز ئامادە کراون.