یەکێتیی هاوردە و هەناردەکاران: بەهۆی شەڕی ئەمریکا و ئێرانەوە جولەی بازرگانی لە بەندەر عەباس پەکیکەوتووە

سەرۆکی یەکێتیی هاوردە و هەناردەکانی هەرێمی کوردستان ئاشکرای دەکات، بەهۆی شەڕی ئەمریکا و ئێرانەوە جولە بازرگانییەکان بە تەواوی لە بەندەر عەباس وەستابوون و بەشێک لەو کاڵا و کەلوپەلانەش لەو رێگەیەوە دەهاتنە هەرێمی کوردستان و عێراق.
ئەمڕۆ پێنجشەممە، 16ـی نیسانی 2026، مستەفا عەبدولڕەحمان، سەرۆکی یەکێتیی هاوردە و هەناردەکارانی هەرێمی کوردستان بە کوردستان24ی راگەیاند، بەهۆی شەڕی نێوان ئەمریکا و ئێرانەوە تەواوی جووڵە بازرگانییەکانی گەرووی بەندەر عەباس وەستابوون و بەشێک لەو کاڵا و کەلوپەلانەی دەهاتنە نێو هەرێمی کوردستان و عێراقیش لە رێگەی ئەو گەرووەوە دەهاتن.
مستەفا عەبدولرەحمان ئاماژەی بەوە داوە، ئەو کەلوپەلانەی بەر لە دەستپێکی شەڕەکەوە هاتبوون و لەو گەرووە گیریان خواردبوو نزیکەی 300 هەزار باربوون و باری تەواوی ناوچەکەی تیادا بوو نەک تەنیا عێراق و هەرێمی کوردستان.
سەرۆکی یەکێتیی هاوردە و هەناردەکارانی هەرێمی کوردستان روونیشی کردەوە، کە گیرانی ئەو گەرووە نەبووە هۆی وەستانی جووڵە بازرگانییەکانی هەرێمی کوردستان و بازرگانانی هەرێمی کوردستان پشتیان بە بەندەر و گەرووی دیکە بەستووە بەڵام گرتنی ئەم گەرووە  دەبێتە هۆی بەرزبوونەوەی نرخی هەندێک لە کاڵاکان چونکە رێگاکان دوورتر بوونەتەوە.
هەروەها مستەفا عەبدولرەحمان ئاماژەشی دا کە ئێستا گەرووەکە بەڕووی ئەو باراناوە کراوەتەوە کە بەر لە شەڕی ئەمریکا و ئێران بەڕێکەوتبوون بەڵام ئەو بارانەی لەدوای شەڕەکە گەیشتبنە گەرووەکە ئەمریکا رێگە بە تێپەڕبوونیان نادات.