وەزارەتی دارایی: لیستی مووچەی مانگی نیسان رەوانەی بەغدا دەکرێت
وەزارەتی دارایی هەرێمی کوردستان، بڵاوی کردەوە، سبەی لیستی مووچەی و راپۆرتی تەرازوی پێداچوونەوە، رادەستی فەرمانگەی ژمێریاری وەزارەتی دارایی فیدراڵ دەکرێت.
وەزارەتی دارایی هەرێمی کوردستان، لە راگەیەنراوێکدا رایگەیاند: ئێوارەی ئەمڕۆ سێشەممە، 21ـی نیسانی 2026، لیستی مووچەی مانگی نیسانی فەرمانبەران و مووچەخۆرانی هەرێمی کوردستان و راپۆرتی تەرازووی پێداچوونەوەی مانگی ئادار لە لایەن تیمی تەکنیکی وەزارەتەوە رەوانەی بەغدا دەکرێت.
وەزارەتەکە ئاماژەی بەوە کرد، سبەی چوارشەممە 22ـی نیسانی 2026، لیستی مووچە و تەرازووی پێداچوونەوە، رادەستی فەرمانگەی ژمێریاریی وەزارەتی دارایی حکوومەتی فیدراڵ دەکرێت.