شێرزۆد رەزامەندی كاناڤارۆی بۆ مۆندیال بەدەستهێناوە

شێرزۆد تێیمیرۆڤ هێرشبەری یانەی هەولێر بۆ دوایین ئامادەكارییەكان بۆ مۆندیالی 2026 بانگهێشتی هەڵبژاردەی ئۆزباکستان كرا.
ئەمڕۆ سێشەممە، 5 ئایاری 2026، فابیۆ کاناڤارۆ راهێنەری هەڵبژاردەی ئۆزباکستان لیستێكی هەڵبژاردەکەی بۆ دوایین ئامادەكارییەكان بۆ مۆندیالی 2026 بڵاوكردەوە و شێرزۆد تێمیرۆڤ هێرشبەری هەولێر یەکێکە لەو 26 یاریزانەی کاناڤارۆ بۆ یارییە ئامادەکارییەکانی پێش مۆندیال بانگهێشتی کردوون و بەربژێرن بۆ ئەوەی لە مۆندیالی 2026 نوێنەرایەتی هەڵبژاردەی ئۆزباکستان بکەن کە یەکەمجارە ئۆزباکستان بەشداریی مۆندیال دەکات.
شێرزۆد تێمیرۆڤ لەم وەرزە لەگەڵ هەولێر لە خولی ئەستێرەکانی عێراق 24 گۆڵ و ئەسیستێکی کردووە و پێشەنگی گۆڵکارانی خولەکەی گرتووە.
ئۆزباکستان لە کۆمەڵەی یازدەم لە مۆندیالی 2026 هاوشانی کۆڵۆمبیا و کۆنگۆ و پۆرتوگاڵ یاریی دەکات.