مەسرور بارزانی: داوامان کردووە مووچە لە بابەتەکانی دیکە جیا بکرێتەوە
سەۆرکی حکوومەتی هەرێمی کوردستان، لە کۆنفرانسێکی رۆژنامەونایدا گوتی: ئێمە پەیوەندییەکی مێژووی و دوورودرێژمان لەگەڵ هاوپەیمانی عەزم هەیە خاڵی هاوبەشمان زۆرە، بەردەوام دەبین لە هەماهەنگی لەگەڵ یەکدی بۆ چارەکردنی ئەو پرسانەی کە تاوەکوو ئێستا لەسەر ئاستی فیدراڵیدا ماون.
هاوکات گوتی: لە کۆبوونەوەکانماندا داوامان کردووە پرسی مووچە جیا بکرێتەوە لە هەموو کێشەکانی دیکە، مووچەی فەرمانبەرانی هەرێمی کوردستان وەک مووچەی هەموو هاووڵاتییانی دیکەی عێراقی مامەڵەی لەگەڵدا بکرێت.
لە بارەی پێکهێنانی کابینەی نوێی حکوومەتی هەرێمی کوردستان، مەسرور بارزانی ئاشکرای کرد، "لەمێژە داوامان کردووە کابینەی نوێی حکوومەتی هەرێمی کوردستان پێکبێت، هیچ گرفتێک لە لایەن ئێمەوە نییە، هەموو هەوڵێکیش دەخەینەگەڕ بۆ ئەوەی کابینەی حکوومەتی هەرێمی کوردستان بە زووترین کات پێکبێت".