زاخۆ دەبێتە پێشەنگ لە پاراستنی ژینگە

لە ژێر دروشمی "زاخۆیەکی خاوێنتر"، قۆناغی دووەمی پڕۆژەی جیاکردنەوەی پاشماوەکان (ریسایکلین) لە ئیدارەی سەربەخۆی زاخۆ راگەیەندرا. پڕۆژەکە بە هاوبەشی لە نێوان رێکخراوی (Climate KRD) و کوردستان فاوەندەیشن و بە پاڵپشتی ئیدارەی زاخۆ جێبەجێ دەکرێت، ئامانج لێی کەمکردنەوەی پاشماوە پلاستیکییەکان و بەرزکردنەوەی ئاستی هۆشیاریی ژینگەییە.

لە رێوڕەسمێکی فراواندا لە کۆرنیشی زاخۆ، دەستپێکردنی قۆناغی نوێی پڕۆژەی جیاکردنەوەی پاشماوەکان (پلاستیک، شووشە و پاشماوەی خۆراک) راگەیەندرا. گوهدار شێخۆ، سەرپەرشتیاری ئیدارەی سەربەخۆی زاخۆ، لە لێدوانێکیرڕۆژنامەوانیدا گوتی: "پڕۆژەکە لە ماوەی پێنج ساڵی رابردوودا هەنگاوی جددی ناوە و خەڵکی زاخۆ هۆشیارییەکی زۆریان لە پاراستنی ژینگەکەیاندا هەیە، ئێستا زاخۆ یەکێکە لە خاوێنترین و جوانترین شارەکانی عێراق."

یارا بەرزنجی، بەڕێوەبەری پڕۆگرام و هاوبەشییەکان لە کوردستان فاوندەیشن، بە کوردستان24 رایگەیاند، ئەمڕۆ توانیمان دووەم قۆناغی پرۆژی ریسایکلین لە زاخۆ لە پاکترین شاری هەرێمی کوردستان جێبەجێ بکەین، جەخت لەوە دەکرێتەوە کە "کوردستان خاکی ئێمەیە و بەرپرسیارییەتی داهاتووی لەسەر شانی هەموومانە."

بەپێی ئامارەکان، تەنیا لە ئیدارەی زاخۆ مانگانە زیاتر لە 300 تۆن پاشماوەی جۆراوجۆر و 125 هەزار بوتڵی پلاستیکی کۆدەکرێنەوە. پڕۆژەکە هەوڵ دەدات ئەم رێژەیە کەم بکاتەوە و رێگە لە فڕێدانی پاشماوەکان بۆ ناو ژینگە بگرێت.