نێچیرڤان بارزانی پیرۆزبایی لە سەرۆکوەزیرانی نوێی بەریتانیا دەکات
نێچیرڤان بارزانی، سەرۆکی هەرێمی کوردستان، پەیامێکی پیرۆزبایی ئاراستەی ئەندی بێرنهام، سەرۆک وەزیرانی نوێی بەریتانیا کرد و جەختی لە پەرەپێدانی پەیوەندییەکان کردەوە.
ئەمڕۆ دووشەممە، 20ـی تەمموزی 2026، نێچیرڤان بارزانی، سەرۆکی هەرێمی کوردستان لە هەژماری فەرمی خۆی لە تۆڕی کۆمەڵایەتی "ئێکس" پەیامێکی بڵاوکردەوە و تێیدا رایگەیاند "پیرۆزبایی لە ئەندی بێرنهام دەکەم بەبۆنەی دەستبەکاربوونی وەک سەرۆکوەزیرانی نوێی بەریتانیا".
سەرۆکی هەرێمی کوردستان ئاماژەی بە مێژووی پەیوەندییەکانی نێوان هەردوولا کرد و نووسیویەتی "هەرێمی کوردستان و عێراق پەیوەندییەکی بەهێز و مێژووییان لەگەڵ بەریتانیا هەیە."
هەروەها نێچیرڤان بارزانی لە پەیامەکەیدا جەختی لە هەماهەنگییەکانی داهاتوو کردووەتەوە و دەڵێت: "بە پەرۆشەوە چاوەڕێی کارکردنی پێکەوەیین بۆ زیاتر پێشخستنی بەها هاوبەشەکانمان."