مارکۆ روبیۆ: ئومێد هەیە بەمزووانە رێککەوتن لەسەر گەرووی هورمز بکرێت
وەزیری دەرەوەی ئەمریکا دەڵێت: پێشکەوتن لە دانوستانەکانی نێوان وڵاتەکەی و ئێران بەدەستهاتووە بە مەبەستی دووبارە کردنەوەی گەرووی هورمز. گوتیشی: ئومێدێکی زۆر هەیە لە داهاتوویەکی نزیکدا بگەنە رێککەوتنی کۆتایی.
سێشەممە، 4ـی ئابی 2026، مارکۆ روبیۆ، وەزیری دەرەوەی ئەمریکا، لە لێدوانێکدا ئاماژەی بەوە کرد، پێشکەوتنی بەرچاو لە گفتوگۆکانی نێوان ئەمریکا و ئێران بۆ مەبەستی دووبارە کردنەوەی گەرووی هورمز بەدەستهاتوون.
وەزیری دەرەوەی ئەمریکا، رایگەیاند: هەرچەندە هێشتا هیچ بڕیار و رێککەوتنێکی کۆتایی و فەرمی لەم بارەیەوە بەدەست نەهاتووە، بەڵام کەشێکی ئەرێنی و ئومێدێکی بەهێز هەیە بۆ ئەوەی لە ئاییندەیەکی زۆر نزیکدا لایەنەکان بگەنە رێککەوتنێکی گشتگیر.