سەرۆک بارزانی هیوای بەردەوامی بۆ رۆژنامەی مەدا دەخوازێت
سەرۆک مەسعود بارزانی بەبۆنەی 24ساڵەی دەرچوونی رۆژنامەی مەدا پیرۆزبایی لە دەزگای راگەیاندن و رۆشنبیری و هونەری مەدا دەکات.
بارەگای بارزانی ئەمڕۆ چوارشەممە 5ـی ئابی 2026، پەیامی پیرۆزباییەکەی بڵاوکردووەتەوە؛ سەرۆک بارزانی لە پەیامەکەدا دەڵێت: وەک رێزێک بۆ گەشە پیشەیی و نیشتمانپەروەرە دیارەکانتان، بە بۆنەی 24ساڵەی رۆژنامەی مەدا، گەرمترین پیرۆزبایی ئاراستەی فەخری کەریم سەرۆکی دەزگای راگەیاندن و رۆشنبیری و هونەری مەدا و دەستەی سەرنووسەرانی رۆژنامەکە دەکەم.
هەر لە پەیامەکەدا ئاماژەیداوە، رۆژنامەی مەدا بەشداربووە لە دامەزراندنی بەهاکانی رۆژنامەگەری ئازاد، هەستکردنی بە بەرپرسیارییەتی نیشتمانی و دەوڵەمەندکردنی رۆشنبیری و میدیایی لە عێراقدا.
هەروەها ئەم بۆنەیە بە شانازییەک ناو دەبات بۆ دامەزراوەیەکی میدیایی کە زیاتر لە دوو دەیە ئامادەیی و کاریگەریی خۆی پاراستووە، هیوای سەرکەوتن و بەردەوامی بۆ مەدا و ستافەکەی دەخوازێت و هیواخوازە لە خزمەتی نیشتمان و راسیتتەکان هەر درەوشاوە بێت.