مێسی خەڵاتی شازادە ئاستوریاسی وەرگرت
لیۆنێل مێسی ئەستێرەی پێشووی هەڵبژاردەی ئەرجەنتین، بووە یەکەم یاریزان لە مێژوو بتوانێت بگاتە ئەو ئاستە و خەڵاتی شازادەی ئاستوریاس وەرگرێت.
لە مەراسیمێکی فەرمیدا لیۆنێل مێسی خەڵاتی شازادەی ئاستوریاس بۆ وەرزش پێبەخشرا، بڕیارەکەش لە لایەن لێژنەی دادوەران لەسەر بنەمای چەندین پێوەر و دەستکەوتی مەزن بوو، دیارترینیان ئەوەیە کە ناوبراو خاوەنی زۆرترین ناسناو و دەستکەوتە لە مێژووی تۆپی پێدا، هەروەها خاوەنی کاروانی وەرزشییەکی نایاب، لێهاتووییەکی باوەڕپێنەکراو و کارە خێرخوازییە بەردەوامەکانییەتی بۆ دابینکردن و بەهێزکردنی دەرفەتەکانی خوێندن و چاودێری تەندروستی بۆ ئەو منداڵانەی کە زۆرترین پێویستییان پێیەتی.
لێژنەی داوەران جەختی لەوەش کردەوە کە مێسی بەهۆی پێداگری، سادەیی و پابەندبوونی تەواوی بە ڕۆحی کاری تیمییەوە، توانیویەتی ڕێز و سەرسوڕمانی هەمووان بەدەستبهێنێت و هەر ئەم خەسڵەتە جوانانەش بوون کە هاندەر بوون بۆ بەخشینی ئەم خەڵاتە بە ئەستێرە گەورەکەی جیهان.
Leo Messi, Premio Princesa de Asturias de los Deportes 2026. #PremiosPrincesadeAsturias pic.twitter.com/nsL2sctvqR
— Fundación Princesa de Asturias (@fpa) October 23, 2026