کوشنەر: ئامانجمان کۆتاییهێنانە بە جەنگی ئۆکرانیا

جارید کوشنەر، نێردەی تایبەتی سەرۆکی ئەمریکا
جارید کوشنەر، نێردەی تایبەتی سەرۆکی ئەمریکا

نێردەی تایبەتی سەرۆکی ئەمریکا، دەڵێت: دۆناڵد ترەمپ بە ڤلادیمێر پووتین و شی جین پینگی راگەیاندووە، کە دەیەوێت ئاشتی لە ئۆکرانیا بەدی بهێنێت و ئامادەیە زۆر بە چالاکی لەگەڵیاندا کار بکات.

پێنجشەممە، 19ـی تشرینی دووەمی 2026، جارید کوشنەر، نێردەی تایبەتی سەرۆکی ئەمریکا، لە میانی کۆنگرەیەکی رۆژنامەوانیدا لە بەرلین روونی کردەوە، ترەمپ بە هەردوو سەرۆک ڤلادیمێر پووتین و شی جین پینگی راگەیاندووە کە دەیەوێت ئاشتی لە ئۆکرانیا بەدی بهێنێت و ئامادەیە زۆر بە چالاکی لەگەڵیاندا کار بکات لە پێناو گەیشتن بەو ئامانجە.

گوتیشی: ئامانجی ئێمە بە راستی کۆتاییهێنانە بەم جەنگە و یارمەتیدانە بۆ چەسپاندنی ئاشتییەکی هەمیشەیی. ئێمە بە تەواوی پابەندی ئەم ئامانجەین، ترەمپیش هەموو هەوڵێکی پێویست بۆ بەدیهێنانی ئەو ئەنجامە دەدات.

ئەمڕۆ یەکەمین کۆبوونەوەی لووتکەی سێقۆڵیی مێژوویی لە نێوان سەرۆکانی ئەمریکا، چین و رووسیا لە شاری شێنجێنی چین بەڕێوەچوو. لە کۆبوونەوەکەدا هەرسێ سەرکردە جەختیان لەسەر ئاشتیی جیهان، سەقامگیریی ستراتیژی، پرسی چەکی ئەتۆمی و چارەکردنی قەیرانە نێودەوڵەتییەکان کردەوە.

هەر سێ سەرۆک لە کۆتایی کۆبوونەوە سێقۆڵییەکەدا، جاڕنامەیەکی هاوبەشیان سەبارەت بە ئاشتی پەسەند کرد.