Daxwaz dihê kirin kompanyayeka nêvdewletî pişikdar bibe di hûrbînîyê de li Petrolê.
Cêgirê serokê Civata Wezîrên Kurdistanê ragehand ku wan daxwaz kirîye kompanyayeka bawerpêkirîya nêvdewletî pişikdarîyê dii hûrbînîyê de bike li Kerta petrola Herêma Kurdistanê.
K24-Hewlêr:
Cêgirê serokê Civata Wezîrên Kurdistanê ragehand ku wan daxwaz kirîye kompanyayeka bawerpêkirîya nêvdewletî pişikdarîyê dii hûrbînîyê de bike li Kerta petrola Herêma Kurdistanê.
Di ragehandinekê de Nivîsîngeha ragehandina cêgirê serokê Hikumeta Herêma Kurdistanê ji zardevê Qûbad Talebanî ve dibêje: Me daxwaz kirîye kompanyayeka bawerpêkirîya nêvdewletî pişikdar bibe li piroseya hûrbînîya kerta petrolê ji bo ku zelalî û şefafî zêdetir bibe li Herêma Kurdistanê.
Ew ragehandina Nivîsîngeha Qûbad Talebanî, hevdem behsê dîdara serkê Civata Wezîrên Hikumeta Herêma Kurdistanê dike li gel şandeka Yekêtîya Ewrûpayê bi serokatîya Patrît Sîmont, Balyûzê Yekêtîya Ewrûpayê li Bexda, ku serdana Herêama Kurdistanê kirine.
Di pişkeka dina ragehandinê de hatîye, di wê dîdarê de Qûbad Talebanî ragehand: Bi egera dakevtina nirxê petrolê û neşandina şehnîyên darayîya hikumeta Herêma Kurdistanê ji alîyê hikumeta Bexdayê ve, mûçeyên fermanberên Herêma Kurdistanê hat dawîxistin.
Cêgirê serokê Civata wezîran dibêje jî: Bê guman em tengijeya Abûrî dê bûrînîn û hikumeta Herêma Kurdistanê berdewame li ser çaksazîyê û destvegirtinê û hewil dide bo nehêlana fermanberên neyasayî û dû mûçeyê.
Li gor ewê rageyandinê Patrît Sîmont balyûzê Yekêtîya Ewrûpayê li Bexdayê stayşa hewlên hikumeta Herêma Kuerdistanê kirin û ragehand: Welatên Ewrûpayê bi bayex ve li rola Herêma Kurdistanê li Îraq û deverê dinerin.