Netewe yên Hevgirtî amar ên qurbanî yên meh a bûrî ya Îraqê belav dike.

K24- Hewlêr

Tîm a hinartî ya taybet bi Netewe yên Hevgirtî bo harîkarîkirin a Îraqê (Yûnamî) ragehand, hijmar a qurbanî yên tundûtîjîyê û şerr û kar ê tîroristî û milmilan ya çekdarî li Îraqê di meh a bûrî de gehiştîye 2000 kuştî û birîndaran.

Tîma Yûnamî li Îraqê ragehand: hijmar a qurbanî yên şerr, kar ên tîroristî, tûndûtîjî û milmlanê ya çekdarî li Îraqê, li Meh a Nîsan a bûrî, gehiştîye 741 kuştî û 1374 birîdaran.

Tîm a hinartî ya Netewe yên hevgirtî, got: 410 kes ên hatîne kuştin di meh a bûrî de, xelk ên sîvîlin û hijmar a sîvîl ên birîndar jî 973 kesin.

Tîm a hinartî ya Netewe yên Hevgirtî, dibêje: bi hevberkirin li gel meh a Adar a bûrî, hijmar a qurbanî yên tundûtîjîyê di meh a Nîsanê de kêmtir bûne, çunku di meh a Adarê de 1119 kuştî û 1561 birîndar bûne.

Ev di demekê de ye, ku rûberek a mezin a ax a Îraqê bi taybetî li herdû parêzgeh ên Enbar û Neynewayê li jêr dest ên çekdar ên Daişê de ye.