NY: Li Cizîrê 100 sivîlên zindî hatin şewitandin
Netewên Yekbûyî (NY) di raporekê de hêzên ewlekarya Tirkiyê bi binpêkirna mafên mirovan li Bakurê Kurdistanê tuhmetbar kir û dibêje, ku hêzên Tirkiyê çendîn welatiyên sivîl li Bakûrê Kurdistanê kuştine û bêtir ji 100 kesan jî şewitandine.
K24 – Navenda Nûçeyan
Netewên Yekbûyî (NY) di raporekê de hêzên ewlekarya Tirkiyê bi binpêkirna mafên mirovan li Bakurê Kurdistanê tuhmetbar kir û dibêje, ku hêzên Tirkiyê çendîn welatiyên sivîl li Bakûrê Kurdistanê kuştine û bêtir ji sed kesan jî şewitandine.
Komîserê Bilind yê Mafên Mirovan di NY de Zêd Rad el-Husên di daxuyaniyekê de, operesyonên Artêşa Turkiyê li Bakurê Kurdistanê li dijî sivlan û û ragihandina deverên qedexe şermezar kir.
El-Husên tekez kir jî, ku divl desthilatên Tirkiyê di operesyonên ewlehiyê û jinavbirina terorê de rêzê li mavên mirovan bigirin û ku yasayên navdewletî binpê nekin.
El-husên got jî, di operesyonên artêşa Tirkiyê li Cizîrê, di jêrzemîna 3 avahiyan de bîhtirî 100 kesî zindî hatin şewitandin. Herwiha El-husên daxwaza vekirina lêkolînekê ji Enqerê kir.
Li Cizîrê qedexeya derketina derve 79 rojan berdewam kir, di meha Adarê de, ji jêrzemînên 3 avahiyan nêzîkî 200 termî hatin derxistin ku piraniya wan hatibûn şewitandin.
El-Hisên diyar kir ku, ji encama operesyonên artêşa Tikiyê û ragihandina derketina derve li Bakurê Kurdistanê, bi hezaran malbat koçber bûne.