Li Wanê polîsan 2 kes kuştin

K24 – Navenda Nûçeyan

Li bakurê Kurdistanê bajarê Wanê di pevçûnekê de polîsên Tirk 2 kes kuştin.

Li navçeya Armûşê ya bajarê Wanê, li Taxa Xaçortê polîsên Tirk operasyon pêk anîn û  bi ser malekî de girtin.

Piştre jî di navbera wan û polîsan de pevçûnek dijwar derket. Di encamê de 2 kes hatin kuştin.

Li gor nûçeyên çapemeniya Tirkiyê kesên hatine kuştin, endamên PKKê ne. Lêbelê heta niha ji aliyê PKKê ve derbarê bûyerê de daxuyaniyek nehatiye belav kirin.