Parlamenterên HDP'ê nikarîn serdana Fîgen Yuksekdag bikin
Parlamenterên HDP'ê ku duh çûbûn serdana Hevserokê HDP Selahedîn Demîrtaş, îro nekarîn li girtîxaneya Kandira ya Kocaelî serdana Fîgen Yuksekdag bikin.
K24 – Navenda Nûçeyan
Parlamenterên HDP'ê ku duh çûbûn serdana Hevserokê HDP Selahedîn Demîrtaş, îro nekarîn li girtîxaneya Kandira ya Kocaelî serdana Fîgen Yuksekdag bikin.
Cîgirê Serokê Koma HDP Pervîn Bûldan û parlamenter Mîthat Sancar, di çarçoveya destûra Wezareta Dadê ya Tirkiyê de, duh li girtîxaneya Edîrne serdana Selahedîn Demîrtaş û parlamenterê Colemêrgê Ebdula Zeydan kirin. Buldan û Sancar piştre li girtîxaneya Silîvra ya Stenbolê jî bi parlamenter Selma Îrmak, Nursel Aydogan, Nîhat Akdogan û Leyla Bîrlîk le re hevdîtin pêkanîn.
Her du parlamenter îro jî çûn girtîxaneya Kandira û xwestin bi Hevseroka HDP'ê Fîgen Yuksekdag û Cîgirê Serokê Komê Îdrîs Baluken hevdîtin bikin. Lê bo hevdîtina Yuksekdag destûr nehat dayîn û parlamenteran bi Îdrîs Baluken re hevdîtin pêkanîn.