Hikûmeta Herêma Kurdistanê teqînên Stenbolê şermezar kir
Hikûmeta Herêma Kurdistanê bi tundî êrişa terorîstî ya Stenbolê ya roja Şemiyê 10 Berçele şermezar û ragihand, Terrorist li her cihekê derfetê bi dest bixin, dijî hemû behayên mirovahî dicengin, lewma divê nehêştina terorê bibe armanca sereke ya hemû welatên cîhanê.
K24 – Navenda Nûçeyan
Hikûmeta Herêma Kurdistanê bi tundî êrişa terorîstî ya Stenbolê ya roja Şemiyê 10 Berçele şermezar û ragihand, Terrorist li her cihekê derfetê bi dest bixin, dijî hemû behayên mirovahî dicengin, lewma divê nehêştina terorê bibe armanca sereke ya hemû welatên cîhanê.
Hikûmeta Herêma Kurdistanê di daxuyaniyekê de, ku li malpera “KDP.info” belav kir, ragihand: “Em sersaxiya malbata qurbaniyan û hikûmet û gelê Tirkiye dikin û hêviya zû başbûnê ji bo birîndaran dixwzin.”
Di daxuyaniyê de de hat jî: “Terrorist li her cihekê derfetê bi dest bixin, dijî hemû behayên mirovahî dicengin û serderiya wan jî dijî hemû beha û mirovahiyî ye, lewma divê nehêştina teror û hizr û jêderên wê bibe armanca sereke ya hemû welatên cîhana azad û pêşketî.
Di beşeke din ya daxuyaniyê de hat: “Hikûmet û gelê Herêma Kurdistanê baş ji êş û jana terorî tê digehin, her ji destpkêkê, em di bereya pêşnegya vî şerî de ne, li dijî terorîstên DAIŞê û bi alîkariya hêzên dost û hevpeyman li ser şikandina teror û tarîyatiyê berdewam in.”
Di dawiyê de hat: “Em hêvîdar in êrîşkerên vê êrişa hovane û her kiryareka din ya terorîstî li her cihekê bin, bi zûtirîn dem bêne dîtin û sizaya dadperwerane werbigirin.”
Şeva borî bajarê Stenbolê bi teqînan hate hejandin, di encama herdu teqînan de hejmara qurbaniyan gehişte 38 kuştiyan, ku jê 30 polîs in û 8 jî kesên sivîl in. Herwiha 155 kes birîndar bûn.