50 sal in çayxana Nicmê li Qamişlo deriyên xwe vekirî maye
Çayxaneya Nicmê ya navdar ji kevintirîn çayxaneyên bajarê Qamişlo ye, temenê wê dighêje nêzî 50 salî û tevahiya kesên ku serdana wê dikin kal in. Herwiha hin kal lê hene ku temenekî pir dirêj lê derbas kirine.
K24 – Qamişlo
Çayxaneya Nicmê ya navdar ji kevintirîn çayxaneyên bajarê Qamişlo ye, temenê wê dighêje nêzî 50 salî û tevahiya kesên ku serdana wê dikin kal in. Herwiha hin kal lê hene ku temenekî pir dirêj lê derbas kirine.
Çayxaneya Nicmê yek ji kevintirîn çayxaneyên Rojavayê Kurdistanê ye, bavê Kawa piraniya temenê xwe di vê çayxaneyê de buhûrand, ev e nêzî 35 sal in li vir kar dike, û diyar dike ku ew tevahiya kesên ku serdana vê çayxaneyê dikin nes dike, çimkî temenekî pir dirêj bi hev re derbas kirine û ev dever bûye mîna mala bavê Kawa.
Tevahiya kesên li vir kal in, û ji xortaniya xwe ve û ta roja îro serdana vê çayxaneyê dikin û çayê ji bin destê bavê Kawa vedixwin û dibêjin ji ber erzaniya berhemên vê çayxaneyê û rojên xweş yên tê de derbas kirine, ew naçin ti cihên din.
Mîna gelek deverên navdar û temen dirêj li bajarê Qamişlo ev çayxane temenê wê dighêje nêzî 50 salî û bûye nîşana bazara Qamişlo û ew kolan bi nave vê çayxaneyê tê naskirin, ji alîkî din ve, ji dema avakirina vê çayxaneyê ta niha dîkorê wê nehatiye guhertin.