Kiliçdaroglu: Bi rêbazên mafia Tirkiye tê birêvebirin

K24 – Navenda Nûçeyan

Serokê Giştî yê CHP Kemal Kiliçdaroglu da xuyakirin, li Tirkiyê dad nemaye û bi rêbazên mafya Tirkiye te birêvebirin.

CHP piştî Meşa Kiliçdaroglu ya ji Enqerê heta Stenbolê, vê carê li Çanakale dest bi rêze civînan kir. 

Serokê Giştî yê CHP encamnameya civînan xwend û da xuyakirin, di rêzecivînên 4 rojan de, bi giştî 8 panêl hatin kirin û 679 kes axivîne û bi hezaran kes beşdarî civîna bûne.

Da xuyakirin, dad hatiye tunekirin, hestên tirs û guman û bêhêvî hemû aliyên civakê dîl girtine û di rewşek weha de bi meşa dadê wêrekî daye civakê.

Kiliçdaroglu got, li dadgehê, dewletê dad nemaye û di hilbijartinê de, bawermendiyê de, debar û aboriyê û perwerdeyê û medyayê de dad hatiye tunekirin.

Da xuyakirin, bo planên siyasî parlamenter tên girtin, vîna netewî tê dîlkirin û daxwaz kir ku hemû parlamenterên girtî bên berdan.