5.5 milyon kes beşdarî referandûmê dibin
Komisyona Bilind a Hilbijartin û Rapirsiyê ya Herêma Kurdistanê pêşbînî dike, nêzîkî 5 milyon û 500 hezar kes beşdarî referandûma serxwebûna Kurdistanê bibin.
K24 – Navenda Nûçeyan
Komisyona Bilind a Hilbijartin û Rapirsiyê ya Herêma Kurdistanê pêşbînî dike, nêzîkî 5 milyon û 500 hezar kes beşdarî referandûma serxwebûna Kurdistanê bibin, ku biryar e di 25ê Îlonê de bi rê ve biçe.
Berdevkê Komisyona Bilind a Hilbijartin û Rapirsiyê ya Herêma Kurdistanê Şêrwan Zirar ragihand, li Herêma Kurdistanê û navçeyên Kurdistanî yên li derveyî herêmê, nêzîkî 5 milyon û 500 hezar kes beşdarî referandûma serxwebûna Kurdistanê bibin.
Amaje bi jî kir, ew navçeyên ketine jêr kontrolkirina hêzên Pêşmerge li parêzgeha Neynewayê referandûm tê de tê kirin, ku wan bi fermî daxwaz pêşkêşî komisyonê kiribûn û komisyonê jî bersiv da wan.