Yildirim: Heya ewlehî li Idlibê berqerar nebe, wê operasyon berdewam bin
Yildirim got: “Em bi Rûsya re hevrêziya encamdana operasyona serbazî li Idlibê bajarî dikin.”
K24 – Navenda Nûçeyan
Serokwezîrê Tirkiyê Binalî Yildirim li kampa AKPê ya li Afyonê li rojavayê Tirkiyê bi perlemanterên partiya xwe re civiya û derbarê operasyona Idlibê got: “Em bi Rûsya re hevrêziya encamdana operasyona serbazî li wî bajarî dikin.”
Li gor agahiyan, Yildirim diyar kiriye ku bi wê operasyonê ewê li Idlibê aramiyê berqerar bikin û heya aramî cih negire wê operasyon berdewam bibin.
Berî niha jî Serokomarê Tirkiyê, destpêkirina operasyona Idlibê ragihandibû û dabû xuyakirin, ku serbazên Tirkiyê hîn derbasî nav axa Idlibê nebûne.